നടുവില്: നടുവില് ഗ്രാമപ്പഞ്ചായത്ത് വൈസ് പ്രസിഡന്റ് മുസ്ലിം ലീഗിലെ പി.കെ.ഫാത്തിമ രാജിവെച്ചതുമായി ബന്ധപ്പെട്ട് നടത്തിയ ചര്ച്ച പരാജയമായി. ഞായറാഴ്ച മന്ത്രി കെ.സി.ജോസഫിന്റെ സാന്നിധ്യത്തില് തളിപ്പറമ്പ് ഗസ്റ്റ് ഹൗസിലായിരുന്നു ചര്ച്ച. നിലവിലുള്ള പ്രസിഡന്റ് പി.ടി.മാത്യുവിന്റെ കീഴില് വൈസ് പ്രസിഡന്റ് സ്ഥാനം വേണ്ടെന്ന നിലപാടില് ലീഗ് ഉറച്ചുനിന്നു. പ്രശ്നം പാര്ട്ടിയില് ചര്ച്ചചെയ്ത് കൂടുതല് ചര്ച്ചകളാകാമെന്ന് മന്ത്രി അറിയിച്ചതിനെത്തുടര്ന്ന് നേതാക്കള് പിരിഞ്ഞുപോകുകയായിരുന്നു. അഡ്വ. സോണി സെബാസ്റ്റ്യന്, കെ.ഗോവിന്ദന്, കെ.മുഹമ്മദ്കുഞ്ഞി, വി.പി.മൂസ്സാന്കുട്ടി തുടങ്ങിയ നേതാക്കള് പങ്കെടുത്തു.
Tags:
Naduvilnews
0 comments:
Have any question? Feel Free To Post Below: