ഇത്തരത്തില്‍ പാസ്‌വേഡുകള്‍ മോഷ്ടിക്കപ്പെട്ടാല്‍ വ്യക്തിപരമായും ഔദ്യോഗികപരമായും ഒട്ടനവധി നഷ്ടങ്ങളുണ്ടാകും. പലരും രഹസ്യമായി സൂക്ഷിക്കുന്ന വിവരങ്ങള്‍ പരസ്യമാകും. ഇത്തരം പ്രശ്‌നങ്ങള്‍ ഒഴിവാക്കാന്‍ പാസ്‌വേഡുകള്‍ കൂടുതല്‍ സുരക്ഷിതമാക്കുകയാണ്‌ വേണ്ടത്‌. പാസ്‌വേഡുകള്‍ സുരക്ഷിതമാക്കാന്‍ ചില വഴികള്‍ താഴെ കൊടുത്തിരിക്കുന്നു.
1. വ്യത്യസ്‌തമായ പാസ്‌വേഡുകള്‍ ഉപയോഗിക്കുക - പലര്‍ക്കും ഒന്നിലധികം ഇ-മെയില്‍, സോഷ്യല്‍ മീഡിയ അക്കൗണ്ടുകള്‍ ഉണ്ടാകും. എന്നാല്‍ പെട്ടെന്ന്‌ ഓര്‍മയിലെത്താന്‍ പലരും എല്ലാ അക്കൗണ്ടുകള്‍ക്കും ഒരേ പാസ്‌വേഡുകളാണ്‌ ഉപയോഗിക്കുന്നത്‌. ഈ രീതി ഒഴിവാക്കി, ഓരോ അക്കൗണ്ടിനും വ്യത്യസ്‌തമായ പാസ്‌വേഡുകള്‍ ഉപയോഗിക്കണം.
2. ലോഗ്‌ ഓഫ്‌ ചെയ്യാന്‍ മറക്കരുത്‌ - ജോലി സ്ഥലത്തും മറ്റും പലപ്പോഴും ഇ-മെയിലും മറ്റും ലോഗ്‌ ഓഫ്‌ ചെയ്യാതെ പോകുന്നവരുണ്ട്‌. ഇക്കാര്യത്തില്‍ തികഞ്ഞ ശ്രദ്ധ വേണം. സിസ്റ്റത്തിന്‌ മുന്നില്‍ നിന്ന്‌ എഴുന്നേല്‍ക്കുമ്പോള്‍ എല്ലാ അക്കൗണ്ടുകളും ലോഗ്‌ ഓഫ്‌ ചെയ്യുക.
3. ആന്റി-വൈറസ്‌ കൃത്യമായി അപ്‌ഡേറ്റ്‌ ചെയ്യുക - പാസ്‌വേഡുകള്‍ സുരക്ഷിതമാക്കുന്നതിന്‌ ആന്റി-വൈറസുകള്‍ക്ക്‌ നിര്‍ണായക പങ്കുണ്ട്‌. ചില മാല്‍വെയറുകള്‍ നിങ്ങളുടെ മെയില്‍, സോഷ്യല്‍മീഡിയ അക്കൗണ്ടുകള്‍ നശിപ്പിക്കാനിടയുണ്ട്‌. ഇത്‌ ഒഴിവാക്കാന്‍ നല്ല ആന്റി വൈറസിന്റെ യഥാര്‍ത്ഥ പതിപ്പ്‌ വാങ്ങി, കൃത്യമായി അപ്‌ഡേറ്റ്‌ ചെയ്‌ത്‌ ഉപയോഗിക്കുക.
4. പൊതുസ്ഥലങ്ങളില്‍ മെയില്‍ നോക്കുന്നത്‌ ഒഴിവാക്കുക - ഇന്റര്‍നെറ്റ്‌ കഫേ, സുരക്ഷിതമല്ലാത്ത വൈ-ഫൈ കണക്ഷന്‍ ലഭിക്കുന്ന എയര്‍പോര്‍ട്ട്‌, ഹോട്ടലുകള്‍ തുടങ്ങി പൊതു ഇടങ്ങളില്‍ ഇ-മെയില്‍, സോഷ്യല്‍ മീഡിയ തുടങ്ങിയവ ഓപ്പണ്‍ ചെയ്യാതിരിക്കുന്നതാണ്‌ സുരക്ഷിതം.
5. പാസ്‌വേഡുകള്‍ പങ്കുവെയ്‌ക്കരുത്‌ - എത്ര വിശ്വാസമുള്ള സുഹൃത്തുക്കളായാലും ബന്ധുക്കളായാലും, ആരോടും പാസ്‌വേഡുകള്‍ പങ്കുവെയ്‌ക്കരുത്‌. സൗഹൃദത്തിന്‌ ഭാവിയില്‍ ഏറ്റക്കുറച്ചിലുകളുണ്ടായാല്‍ നിങ്ങളുടെ പാസ്‌വേഡുകള്‍ സുരക്ഷിതമല്ലാതാകും. പാസ്‌വേഡുകള്‍ എപ്പോഴും തികച്ചും സ്വകാര്യമായിരിക്കണം.
6. സ്ഥിരമായി പാസ്‌വേഡുകള്‍ മാറ്റിക്കൊണ്ടിരിക്കുക - കുറഞ്ഞത്‌ വര്‍ഷത്തില്‍ ഒരിക്കലെങ്കിലും നിങ്ങളുടെ എല്ലാ ഇ-മെയില്‍, സോഷ്യല്‍ മീഡിയ അക്കൗണ്ടുകളുടെ പാസ്‌വേഡുകള്‍ മാറ്റിക്കൊണ്ടിരിക്കണം.
7. പാസ്‌വേഡുകള്‍ ഓര്‍ക്കാന്‍ എളുപ്പമുള്ളതാകണം, ഊഹിക്കാന്‍ പ്രയാസമുള്ളതാകണം - പാസ്‌വേഡുകള്‍ തിരഞ്ഞെടുക്കുമ്പോള്‍ അക്ഷരങ്ങള്‍, അക്കങ്ങള്‍, ചിഹ്നങ്ങള്‍ എന്നിവ അടങ്ങുന്ന, കുറഞ്ഞത്‌ എട്ട്‌ ക്യാരക്ടറുകളുള്ള വാക്ക്‌ ആയിരിക്കണം. ഇത്‌ നിങ്ങള്‍ക്ക്‌ ഓര്‍ക്കാന്‍ എളുപ്പമുള്ളതും, മറ്റുള്ളവര്‍ക്ക്‌ ഊഹിക്കാന്‍ പ്രയാസമുള്ളതുമായിരിക്കണം.
കടപ്പാട് : computric
0 comments: