ഭവനശ്രീ പദ്ധതിരേഖകള്‍ തിരിച്ചുകിട്ടിയില്ലെന്ന് പരാതി

നടുവില്‍: ഭവനശ്രീപദ്ധതി പ്രകാരം വീട് നിര്‍മിക്കാന്‍ വായ്പയെടുത്തവര്‍ക്ക് രേഖകള്‍ തിരിച്ചുകിട്ടിയില്ലെന്ന് പരാതി. ഗ്രാമപ്പഞ്ചായത്ത് മുഖേന ബാങ്കില്‍നിന്ന് 40.000 രൂപയാണ് വായ്പ അനുവദിച്ചിരുന്നത്. ഇതില്‍ വായ്പ തിരിച്ചടച്ചവര്‍ക്കും രേഖകള്‍ കിട്ടിയിട്ടില്ല. പലിശ ഉള്‍പ്പെടെ 70,000 രൂപയാണ് തിരിച്ചടക്കേണ്ടത്. കഴിഞ്ഞ ഇടതുമുന്നണി സര്‍ക്കാര്‍ ഈ വായ്പ എഴുതിത്തള്ളിയെങ്കിലും രണ്ടുവര്‍ഷമായിട്ടും നടപടിക്രമങ്ങള്‍ പൂര്‍ത്തിയായിട്ടില്ല.