കുടിവെള്ളം മുടക്കി മൂര്‍ഖന് കിണറ്റില്‍ സുഖവാസം

സന്ദീപ്‌ കിണറിലെക്കിറങ്ങുന്നു  

നടുവില്‍: വീട്ടുകിണറ്റില്‍ വീണ മൂര്‍ഖന്‍ ഒരാഴ്ചയായി കുടുംബത്തിന്റെ കുടിവെള്ളം മുട്ടിച്ചു. മൂര്‍ഖനെ പുറത്തെടുക്കാന്‍ വനംവകുപ്പിന്റെ റാപ്പിഡ് റെസ്‌പോണ്‍സ് ടീം രണ്ടുദിവസം ശ്രമിച്ചെങ്കിലും ഫലമുണ്ടായില്ല. നടുവില്‍ ആട്ടുകുളത്തെ എം.രവീന്ദ്രന്റെ വീട്ടുകിണറ്റിലാണ് മൂര്‍ഖന്‍ വീണത്. കിണറിനകത്തെ മാളം താവളമാക്കിയിരിക്കുകയാണ് പാമ്പ്.

മൂര്‍ഖനെ പുറത്തിറക്കാന്‍ പണി പതിനെട്ടും പയറ്റിയിട്ടും രക്ഷിയാല്ലാതായതിനെത്തുടര്‍ന്നാണ് റാപ്പിഡ് റെസ്‌പോണ്‍സ് ടീമിന്റെ സഹായം തേടിയത്. പാമ്പുപിടിത്തക്കാരായ സന്ദീപ്, റിയാസ് എന്നിവരും കിണറ്റിലിറങ്ങി പരിശ്രമിച്ചുവെങ്കിലും സാധിച്ചില്ല.

പാമ്പ് കൂടിയ മാളം മുങ്ങത്തക്കവിധം അടുത്തുള്ള കുഴല്‍ക്കിണറില്‍നിന്ന് വെള്ളം അടിച്ചുകയറ്റി നോക്കി. എന്നിട്ടും രക്ഷയില്ല. 13 വയസ്സിലേറെ പ്രായം പാമ്പിനുണ്ടെന്നാണ് റിയാസിന്റെയും സന്ദീപിന്റെയും അഭിപ്രായം.