ബസ്സുകള്‍ വെട്ടിക്കുറച്ചു; ജനം വലഞ്ഞു

നടുവില്‍ :ഹര്‍ത്താല്‍ദിനത്തലേന്ന് ബസ്സുകള്‍ വെട്ടിക്കുറച്ചത് ജനങ്ങളെ വലച്ചു. നടുവില്‍-കുടിയാന്മല റൂട്ടിലാണ് കെ.എസ്.ആര്‍.ടി.സി. അധികൃതര്‍ ബസ്സുകളുടെ എണ്ണം കുറച്ചത്. ഇതേത്തുടര്‍ന്ന് മണിക്കൂറുകളോളം യാത്രക്കാര്‍ ബസ്‌സ്റ്റോപ്പുകളില്‍ കാത്തുനില്‍ക്കേണ്ടിവന്നു. സ്‌കൂള്‍, കോളേജ് വിദ്യാര്‍ഥികള്‍ വീടുകളില്‍ എത്താന്‍ ഏറെ പ്രയാസപ്പെട്ടു. രാത്രിതളിപ്പറമ്പിലേക്ക് പോകേണ്ട ബസ്സുകള്‍ കുറഞ്ഞതിനെത്തുടര്‍ന്ന് വൈകുവോളം സ്ത്രീകളും കുട്ടികളും ഉള്‍പ്പെടെയുള്ളവര്‍ നടുവില്‍ ടൗണില്‍ കുടങ്ങി. ആവശ്യത്തിന് ബസ്സുകളോടിക്കാതെ അധികൃതര്‍ റൂട്ടിലെ യാത്രക്കാരെ ബുദ്ധിമുട്ടിക്കുകയാണെന്ന ആക്ഷേപമുയര്‍ന്നു. സ്വകാര്യ ജീപ്പുകളിലും ബസ്സുകളിലും കയറാന്‍ ഇതുമൂലം തിരക്കായിരുന്നു.