റഷ്യന്‍ പ്രസിദ്ധീകരണമായ മേസ്‌കോ ന്യൂസ് നടത്തിയ മത്സരത്തില്‍ പങ്കാളിയാവുകയായിരുന്നു ദാമോദരന്‍ മാസ്റ്റര്‍. സോവിയറ്റ് യൂണിയന്റെ ഭരണഘടന സംബന്ധിച്ച 12 ചോദ്യങ്ങള്‍ക്ക് ഉത്തരമയക്കുന്നവര്‍ക്ക് ഒളിമ്പിക്‌സ് കാണാന്‍ അവസരം നല്‍കുമെന്നായിരുന്നു വാഗ്ദാനം.
കൗതുകത്തിന് ഉത്തരം തേടിയ ഇദ്ദേഹത്തിന് മത്സരം എളുപ്പമുള്ളതല്ലെന്നും മനസ്സിലായി. അന്ന് ലഭിക്കുമായിരുന്ന സോവിയറ്റ് യൂണിയന്‍, സോവിയറ്റ് നാട്, സ്പുട്‌നിക് തുടങ്ങിയ പ്രസിദ്ധീകരണങ്ങളെല്ലാം കണ്ടെത്തി വായിച്ചു. ചില ലക്കങ്ങള്‍ കിട്ടാതായത് അന്വേഷിച്ച് കണ്ണൂര്‍ നഗരത്തിലെ പ്രഭാത് ബുക്ക് ഹൗസിലുമെത്തി. പുസ്തകങ്ങള്‍ വിറ്റുപോയതറിഞ്ഞ് നിരാശനായി മടങ്ങുമ്പോഴാണ് കാളവണ്ടിയില്‍ പഴയ പുസ്തകങ്ങളുമായി മാര്‍ക്കറ്റിലേക്ക് പോകുന്ന യുവാവിനെ കണ്ടത്. ഇയാളുടെ സഹായത്തോടെ ഏതാനും പുസ്തകങ്ങള്‍ കൂടി കണ്ടെടുത്തു. ഉത്തരങ്ങള്‍ അയച്ച മാഷിന് ഏതാനും നാളുകള്‍ക്കകം ഒരു സമ്മാനപ്പൊതിയെത്തി.
ഒളിമ്പിക്‌സ് ചിഹ്നമായ മിഷയുടെ മെഡലും മോസ്‌കോ ന്യൂസിന്റെ ബാഡ്ജുകളുമായിരുന്നു അതില്‍. ഓരോ ഒളിമ്പിക്‌സും കടന്നുപോകുമ്പോഴും ദാമോദരന്‍ മാഷ് മോസ്‌കോ ഒളിമ്പിക്‌സിന്റെ ഓര്‍മകളില്‍ മുങ്ങും. കാണാന്‍ കഴിയാത്തതാണെങ്കിലും ഒളിമ്പിക്‌സ് അധികൃതരുടെ നടപടിയോട് ഏറെ കടപ്പാടുണ്ടെന്ന് അദ്ദേഹം പറയുന്നു. നാണയങ്ങള്‍, കറന്‍സികള്‍, പുരാവസ്തുക്കള്‍ എന്നിവയുടെയൊക്കെ വലിയൊരു ശേഖരത്തിനുടമകൂടിയാണ് മാഷ്. സീനിയര്‍ സിറ്റിസണ്‍ ഫോറം, പെന്‍ഷനേഴ്‌സ് യൂണിയന്‍ എന്നിവയുടെ സംസ്ഥാന കൗണ്‍സിലറുമാണ്.Mohanan alora.
.jpg)
0 comments: