നടുവില്‍ ,പോട്ടന്‍പ്ലാവ് ,കരുവഞ്ചാല്‍ മേഖലകളില്‍ ഞായറാഴ്ച നേരിയ ഭൂചലനം അനുഭവപ്പെട്ടു .

നടുവില്‍ : നടുവില്‍ ,പോട്ടന്‍പ്ലാവ് ,കരുവഞ്ചാല്‍ മേഖലകളില്‍ ഞായറാഴ്ച നേരിയ ഭൂചലനം അനുഭവപ്പെട്ടു . സെക്കന്‍റുകള്‍ നീണ്ട ദൈര്‍ഘ്യം മാത്രമേ ചലനത്തിനുണ്ടായുള്ളൂ.ഉച്ചക്ക് ശേഷം 2.30 നും 2.35 നും ഇടയിലായിരുന്നു ഭൂചലനം . കട്ടിലില്‍ കിടക്കുകയായിരുന്ന ആട്ടുകുളത്തെ പി കെ .മുഹമ്മദിന് ചലനം അനുഭവപ്പെട്ടതിനെ തുടര്‍ന്ന് ചാടി എഴുന്നെല്‍ക്കുകയായിരുന്നു . നടുവില്‍ നാടകം പരിശീലിക്കുകയായിരുന്ന കുട്ടികള്‍ക്കും ഭൂചലനം അനുഭവപ്പെട്ടു ,ഇടിവെട്ടിനെ തുടര്‍ന്നുണ്ടായതാണെന്നാണ് ഇവര്‍ കരുതിയത്‌ .പൊട്ടന്‍പ്ലാവ് ,കരുവഞ്ചാല്‍,ആശാന്‍കവല ,തുടങ്ങിയ സ്ഥലങ്ങളില്‍ നിന്നുള്ളവര്‍ കൂടി ഭൂചലനം ഉണ്ടായതായി പറഞ്ഞതോടെയാണ് സ്ഥിരീകരണം ലഭിച്ചത് .